Boas de novo!
Non pensábamos estar por aquí tan rápido, pero as dúbidas xurdidas durante os últimos días déronnos a excusa para explicalo por aquí. Desta maneira, quedará a disposición do noso alumnado actual e tamén para todos aqueles que formen parte nun futuro.
O tema que vimos a tratar hoxe son os días non lectivos. Pásanos habitualmente que cada vez que os nenos e nenas non teñen clase no seu centro educativo, nos preguntan se ese día tampouco hai academia. A nosa resposta sempre é a mesma: a academia non ten o mesmo horario laboral que o horario lectivo dun instituto. Ás veces, convócanse folgas ou días non lectivos que os centros collen por propia elección, pero que realmente non son días festivos. Todos eses días a academia traballa con normalidade no seu horario habitual. Os únicos días que a academia permanecerá pechada é cando haxa un día festivo.
Máis concretamente, preguntáronnos se esta semana hai clase o venres 31 de outubro, ou a próxima semana o luns e martes 3 e 4 de novembro. Como ningún deses días é festivo, en todos eles a academia estará aberta como sempre ainda que nalgúns centros non haxa clase.
Ademais, para evitar calquera confusión, sempre que a academia vaia pechar por un día festivo, avisamos de maneira directa a todas as familias. Polo tanto, esperamos que desta maneira quedase máis claro e non haxa ningunha dúbida. En caso contrario, aquí estamos encantadas de resolvervos as cuestións que necesitedes. 😊
Aclaración sobre o noso horario laboral
