Bo día a tod@s!
Como ben adiantamos no título, queríamos aproveitar esta entrada no blog para pedirvos a vosa axuda. É ben certo que notamos que, senon todos, a gran maioría estades moi contentos e satisfeitos co noso traballo, coa forma na que explicamos o temario, resolvemos as dúbidas e sobretodo co contacto directo que mantemos con todas as familias para levar un continuado control dos avances do alumnado.
Por outro lado, xa dende principio de curso, ao igual que durante todo o ano e todos os anos desde que empezamos este proxecto, intentamos aumentar a nosa visibilidade en redes. Así, temos a nosa propia conta de Instagram (academia_eva), unha páxina en Facebook (Academia Eva) e esta páxina web. Ademais diso, cada certo tempo sempre repartimos folletos informativos cos nosos servizos tanto nas saídas dos coles e institutos, como tamén nos parques da contorna, etc.
Ainda así, notamos que hai unha gran cantidade de xente do pobo que non coñece a nosa academia, e que moitas veces están buscando un sitio que se axusta ao que nós ofrecemos pero non saben da nosa existencia!
É por todo isto, que vos vimos a pedir, que se realmente pensades que estamos facendo ben o noso traballo, nos axudedes a darnos a ver. Ao fin e ao cabo, vós sodes os que estades en grupos de whatsapp e outras redes sociais con máis mamás e papás, e podedes axudarnos a que moitos deles nos coñezan. Por aquí vos deixamos o noso folleto informativo, e agradecémosvos de todo corazón se o compartides a través de calquera das vías de contacto que teñades entre vós.
De novo, moitas grazas por todo.
Con cariño, todo o equipo de Academia Eva 🙂