Bo día a todos e todas!
Xa levábamos un tempo sen pasarnos por aquí. Durante o verán, estivemos levando a cabo o Campamento Educativo, do que temos un montón de contido que publicar para que poidades ver como o enfocamos este ano.
Sen embargo, o que vimos a contarvos agora é outro tema. Como xa sabedes, un novo curso xa está en marcha e ese foi o principal motivo polo que non estivemos moi activas por aquí. Tivemos que organizalo todo para que o curso comezase da maneira máis satisfactoria posible. Pero un dos obxectivos para este curso é dirixirnos a vós con máis frecuencia e que este sexa un sitio onde podedes coñecer un pouco máis a academia e como traballamos.
Con motivo do novo curso, por aquí vos deixamos unha imaxe do documento que todos os nosos alumnos e alumnas deben cubrir unha vez que comezan as clases con nós. Desta maneira, temos unha información inicial para coñecelos un pouquiño antes de empezar a traballar xuntos, e logo podemos comparar os resultados obtivos co punto de partida.
Ademais disto, este ano incorporamos un seguimento máis exhausto e un continuo contacto coas familias. Por iso, ao longo desta semana e a seguinte, redactaremos un pequeno informe para enviar ás familias e que coñezan o noso punto de vista sobre o comezo de curso de todo o alumnado. Sempre mantemos un contacto estreito con elas, pero agora queremos melloralo ofrecendo unha «preavaliación» a mediados de cada trimestre, por se detectamos algunha dificultade estar a tempo de resolvela.
Sen máis, esperamos que todas estas novidades vos parezan útiles e interesantes, pois o noso obxectivo sempre é mellorar os nosos servizos para ter ben atendida á nosa comunidade.
Logo volvemos con máis novas!
Saúdos de parte de todo o equipo de Academia Eva 🥰
Información alumnado
Novidades do curso: Ficha inicial e novo seguimento
